Mańǵystaýda polımerli qaptama shyǵaryla bastady

AQTAÝ. QazAqparat — Mańǵystaýda polımerli qaptama shyǵaratyn zaýyt jumysyn bastady. Kásiporyn bir ret tutynýǵa arnalǵan polımer ydystardy óndirýdi qolǵa alyp, jylyna 380 myń tonna ónim shyǵarýdy josparlap otyr, dep habarlaıdy QazAqparat tilshisi.

«Zaýyt áli tolyq qýattaǵy jumysqa kóshken joq. Dese de, qazirdiń ózinde tapsyrys berýshiler sany kóp. Máselen ózimizdiń kúndelikti shyǵaratyn ónimimizden bólek qaraǵandylyq kásipkerler úlken kólemde polımer paraǵyna tapsyrys berip otyr. Odan bólek kórshi elderden de tapsyrys ala bastadyq», - dedi «Dostyq Polımer Plıýs» JShS negizin qalaýshy Nadejda Karas.

Jobanyń jalpy quny 368, 4 mln teńge. Polımer qaptama shyǵarýǵa tolyq múmkindik beretin avtomattandyrylǵan qurylǵylarmen jabdyqtalǵan zaýytta 10 jańa jumys orny quryldy.