Mańǵystaýda polıtsııa kóligi apatqa ushyrady

NUR-SULTAN. QazAqparat – Keshe Mańǵystaý oblysynyń Aıraqty jáne Sherqala aýyldarynyń aralyǵynda polıtsııa kóligi jol apatyna ushyrady, dep habarlaıdy QazAqparat lada.kz silteme jasap.

Mańǵystaý oblystyq polıtsııa departamenti baspasóz qyzmetiniń habarlaýynsha, polıtseıler ÝAZ avtomashınasymen shaqyrylǵan jerge bara jatqanda Hyundai Santa Fe avtomobıline soqtyǵysqan. Birneshe adam jaraqat alǵan.

«Osy derek boıynsha avtotehnıkalyq saraptama belgilendi, sonyń nátıjesine qaraı hattama toltyrylyp, protsestik sheshim qabyldaý úshin ákimshilik sotqa beriledi», - delingen habarlamada.