Mańǵystaýda polıtsııa ıt talastyrý týrnırin uıymdastyrǵandardy anyqtady
Mańǵystaý oblysy Polıtsııa departamenti baspasóz qyzmetiniń habarlaýynsha, ol Jańaózen qalasynyń turǵyny bolyp shyqty.
«17 qazanda ol Munaıly aýdanynyń Batyr aýylynda ıt talastyrý týrnırin uıymdastyryp, oǵan barlyq tanysyn jınaǵan. Kelesi kúni uıymdastyrýshy ıt talasynyń vıdeosyn áleýmettik jelige jarııalady. Ol QR ÁQBtK-niń 425-baby 1-bóligi boıynsha karantın rejımin saqtaý erejesin buzǵany úshin ákimshilik jaýapkershilikke tartyldy. Materıal sheshim shyǵarý úshin Munaıly aýdanynyń taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy», - delingen habarlamada.
Sodaı-aq, atalǵan azamat QR ÁQBtK-niń 408-babynyń 1-bóligimen (Aýyl sharýashylyǵy janýarlaryn jaıý qaǵıdalaryn, ıtter men mysyqtardy asyraý jáne serýendetý qaǵıdalaryn, qańǵybas ıtter men mysyqtardy aýlaý jáne joıý qaǵıdalaryn buzý) jaýapkershilikke tartyldy.
«Mańǵystaýda jappaı is-sharalar uıymdastyrýǵa, ásirese janýarlarǵa qatygezdikpen qaraýǵa tyıym salynǵan jáne azamattardy karantın rejımin saqtaýǵa shaqyramyn», - dedi Mańǵystaý oblystyq polıtsııa basshysy Janarbek Baqtybaev.