Mańǵystaýda polıtseıler kúni qarsańynda jańa ýchaskelik polıtsııa pýnkti ashyldy

AQTAÝ. QazAqparat - Qazaqstan polıtsııasy kúni merekesi qarsańynda 18 maýsym kúni Túpqaraǵan aýdanynda jańa ýchaskelik pýnkttiń ashylý saltanaty ótkizildi, dep habarlaıdy QazAqparat tilshisi.

Bul ýchaskelik pýnkt Aqshuqyr aýylyna qyzmet kórsetedi.

Ýchaskelik polıtsııaǵa óz suraqtarymen, aryz-shaǵymymen júginetin turǵyndar endigide jańadan ashylǵan pýnktige baryp, máselesin sheshe alady.

Memleket basshysynyń Joldaýynda Іshki ister organdary júıesin reformalaýda basty ról ýchaskelik polıtseılerge júktelip, ýchaskelik polıtsııa ınspektorlaryna, olardyń qyzmetine erekshe kóńil bólinip otyrǵany aıtylǵan.

Ashylý saltanatyna polıtsııa departamentiniń bastyǵy, polıtsııa general-maıory Janarbek Baqtybaev, Túpqaraǵan aýdany ákimi Qosýaqov Aıbek, Aqshuqyr aýyly ákimi Nuǵmanov Aısaǵalı jáne ishki ister organynyń ardageri Jantýarov Mustahı qatysty.

«Bul ǵımarattyń ashylýy polıtsııa qyzmeti úshin oqıǵa ornyna jyldam barýyna jáne qylmystyń aldyn alýyna oń yqpalyn tıgizetini sózsiz. Polıtsııaǵa osyndaı qolaıly jaǵdaılar jasalyp jatqannan keıin, tártip saqshylary tarapynan ózderine júktelgen mindetti adal ári abyroımen atqaratynyna senim bildiremin», - dedi oblystyq Polıtsııa departamentiniń basshysy J. Baqtybaev.

Bul ýchaskelik pýnkttiń ereksheligi 6 bólmeden turady. Pýnktte ýchaskelik polıtsııa ınspektorlarynan bólek qajetti jaǵdaıda turǵyndardyń júginýi úshin jergilikti polıtsııa qyzmetine, krımınaldy polıtsııasyna, jedel ýákilge, tergeýshige jáne ýchaskelik polıtsııa ınspektorlary men ıývenaldy polıtsııa ınspektorlaryna jeke-jeke bólme qarastyrylǵan. Barlyq bólme zamanǵa saı tehnıkamen tolyq jabdyqtalǵan, qolaıly jumys jasaýǵa jaǵdaı jasalǵan.

«Men osy aımaqta 2015 jyldan beri ýchaskelik ınspektor bolyp qyzmet atqaryp kele jatyrmyn. Aýylda qazirgi tańda 12 myńǵa jýyq turǵyn bar. Jańadan ashylyp jatqan ýchaskelik pýnktte ýchaskelik ınspektorlardan eki jaýapty ınspektor jáne eki ýchaskelik ınspektordyń kómekshisi bolyp qyzmet atqaratyn bolamyz»,- dep málimdedi Aqshuqyr aýylynyń jaýapty ýchaskelik polıtsııa ınspektory polıtsııa kapıtany Akmanov Saken.

Shara sońynda departament bastyǵy ardagerlermen birlesip, polıtsııa pýnkti aýlasynda terek aǵashyn otyrǵyzdy.