Mańǵystaýda paıdalanylmaı jatqan 356 myń gektar jer memleketke qaıtaryldy

AQTAÝ. QazAqparat - 2022 jyly Mańǵystaýda paıdalanylmaı jatqan 356 myń gektardan astam aýyl sharýashylyǵy jeri memleket menshigine qaıtaryldy, habarlaıdy QazAqparat tilshisi.

«Aýyl sharýashylyǵy maqsatyndaǵy jerlerdi paıdalanýdy qadaǵalaıtyn jumys toby quryldy. Aldyn ala júrgizilgen saraptama qorytyndysy boıynsha oblysta 973 myń gektar aýyl sharýashylyǵy jeri anyqtalǵan. Onyń 356 myń gektardan astamy memleket menshigine qaıtarylǵan» dep málim etti Mańǵystaý oblysy ákiminiń baspasóz qyzmetinen.

Memleket menshigine qaıtarylǵan jerler:

Túpqaraǵan aýdany – 85,3 ga

Munaıly aýdany – 26,09 ga

Beıneý aýdany – 33,8 ga

Qaraqııa aýdany – 171,8 ga

Mańǵystaý oblysy – 39,6 ga

Jańaózen - 10 ga.

Monıtorıng nátıjesinde ıgerilmeı jatqan aýyl sharýashylyǵy jerleriniń basym bóligi «Senek» JShS (288 946 ga), «Taýshyq» JShS (247 633 ga) jáne «Qaraǵantúbekke» (212 192 ga) tıesili ekeni anyqtaldy.

Monıtorıng, tekserýden keıin «Senek» JShS 168 946 gektar, «Taýshyq» JShS 70 myń gektar jerdi óz erkimen memleketke qaıtardy.

Sonymen qatar jospardan tys tekserý týraly habarlamadan keıin jeriniń jalpy kólemi 67 787 ga bolatyn 85 jer paıdalanýshy qolda bar malyn ISJ bazasyna tirkedi.

Búkil qaıtarylǵan jer endi Aýyl sharýashylyǵy mınıstrligi men Tsıfrlyq damý, ınnovatsııalar jáne aeroǵarysh mınıstrligi birlesip ázirlegen geoservıste kórsetiledi.