Mańǵystaýda «Parasatty polıtseı» respýblıkalyq baıqaýy ótýde
Atalǵan is-sharaǵa elimizdiń ár óńirinen kelgen ózge ult ókilderinen quralǵan 21 komanda óz baqtaryn synaıtyn bolady.
Baıqaýǵa Respýblıkanyń túrli óńirlerinen 200-den astam tártip saqshylary men ІІM-niń 3 joǵary oqý oryndarynyń ókilderi qatysýda. Olar kún saıyn halyqpen jumys isteıtin qyzmetkerler, sondyqtan olar tilderdi bilýi, jan-jaqty damyǵan bolýy tıis.
Keshegi Qazaqstan Respýblıkasynyń Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» degen halyqqa Joldaýynda qazaq tiliniń memlekettik til retindegi róli kúsheıip, ultaralyq qatynas tiline aınalatyny týraly atap ótildi.
Sonymen qatar, 5 qyrkúıek – Qazaqstan halqy tilderi kúnine oraı ótkizilip jatqan bul is-sharanyń maqsaty - ishki ister organdarynda memlekettik tildiń qoldanylý aıasyn keńeıtý.
Baıqaýdyń alǵashqy kúnin qatysýshy tártip saqshylary qyzmet babynda qaza tapqan áriptesterine arnap ornatylǵan obelıskke gúl shoqtaryn qoıyp, únsizdik jarııalap, olardyń esten ketpes erligi aldynda taǵzym etýden bastady.
Baıqaýǵa arnaıy kelgen Іshki ister mınıstriniń orynbasary polıtsııa polkovnıgi Arystanǵanı Zapparov qatysýshy komandalarǵa sáttilik tilep, jerebe tartý rásimimen jalǵasty.
Q.Taımerdenov atap aıtqandaı, bul baıqaý arnaıy tańdap alynǵan «Dostyq úıinde» ótkiziledi, onda 2018 jyly Kaspıı teńiziniń quqyqtyq mártebesi týraly konventsııaǵa qol qoıylǵan Kaspıı mańyndaǵy bes memleket prezıdentteri bas qosqan sammıti ótken.
