Mańǵystaýda para alý kúdigimen jemqorlyqqa qarsy kúres qyzmetkeri ustaldy

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosynyń ishki qaýipsizdik basqarmasy para aldy degen kúdikpen Ulttyq bıýronyń Mańǵystaý oblysy boıynsha departamentiniń erekshe mańyzdy ister jónindegi ofıtserin ustady.

Bul týraly Agenttiktiń baspasóz qyzmetinen málimdedi.

Jedel izdestirý jáne qupııa tergeý amaldary sheteldik kásipkerdiń aryzy negizinde júrgizildi. Ol sybaılas jemqorlyqqa qarsy is-qımyl qyzmetiniń qyzmetkeri odan aqsha bopsalaǵanyn habarlaǵan.

Kúdikti kásipkerdi qylmystyq jaýapqa tartpaý úshin 1 mln teńge mólsherinde para alǵan. Ofıtser ýaqytsha ızolıatorǵa toǵytyldy.

Sotqa deıingi tergeý amaldary júrip jatyr.