Mańǵystaýda para alǵan ekologııa departamentiniń sheneýnigi ustaldy
ASTANA. QazAqparat - Sybaılas jemqorlyqqa qarsy is-qımyl ulttyq bıýrosynyń Mańǵystaý oblysy boıynsha departamenti oblystyq ekologııa departamenti ekologııalyq retteý bóliminiń bastyǵy S. Sarqulovanyń qylmysynyń jolyn kesti, dep habarlaıdy «QazAqparat» HAA ulttyq bıýro departamentiniń baspasóz qyzmetine silteme jasap.
Kúdikti «Qorshaǵan ortaǵa áserdi baǵalaý» jobasyn ázirleý jáne zııandy zattar emıssııasyna ruqsat berý úshin zańdy tulǵalardan júıeli túrde para alyp kelgen.
Paranyń mólsheri 20 myńnan 300 myń teńgege deıin bolǵan. Jalpy soma 500 myń teńgeni quraǵany anyqtaldy.
Budan tys, S. Sarqulova birqatar uıymdardy atmosferaǵa qoqys shyǵarý kózderin túgendeý jumystaryn oryndaý boıynsha kelisimshart jasasýǵa májbúrlep, kásipkerlik qyzmetpen de aınalysqan.
Sotqa deıingi tergep-tekserý júrip jatyr.
