11:50, 08 Qyrkúıek 2022 | GMT +6
Mańǵystaýda para alǵan antıkor tergeýshisi 15 mln teńge tólep qutyldy
AQTAÝ. QazAqparat - Mańǵystaý oblysynnda sybaılas jemqorlyqqa qarsy qyzmettiń qyzmetkeri sottaldy, dep habarlaıdy QazAqparat.
Áleýmettik jelilerde sybaılas jemqorlyq qylmysy (para alý) úshin Mańǵystaý oblysy boıynsha sybaılas jemqorlyqqa qarsy qyzmettiń sottalǵan tergeýshisi A. Іzbasar týraly aqparat tarap jatyr.
Іzbasarǵa qatysty Aqtaý qalalyq soty úkim shyǵarǵan, ol zańdy kúshine endi.
Úkimge sáıkes Іzbasarǵa arnaıy ataqtan aıyra otyryp, 15 mln teńge kóleminde aıyppul salyndy.
Sondaı-aq, sottalýshy ómir boıy memlekettik qyzmette eńbek etý quqyǵynan aıyryldy.
«A. Іzbasardy agenttiktiń jeke qaýipsizdik departamentiniń qyzmetkerleri áshkerelegenin atap ótý kerek. Sybaılas jemqorlyqqa qarsy qyzmet jemqorlyqqa qarsy, onyń ishinde óz qatarynda ymyrasyz kúres júrgizedi» delingen Antıkor habarlamasynda.
Eger siz sybaılas jemqorlyqqa qarsy qyzmet qyzmetkerleri tarapynan zańsyz áreketke, sondaı-aq agenttik mártebesin alaıaqtyq maqsatta paıdalanatyn adamdarǵa tap bolsańyz, myna baılanys jelilerine habarlańyz:
8 7172 909 372 (37)
e-mail: uvb@antikor.gov.kz
Call-ortalyǵy – 1424
