Mańǵystaýda óz ulyn óltirgen anaǵa qatysty tergeý bastaldy
AQTAÝ. QazAqparat - Aqtaýda óz ulyn tunshyqtyryp óltirgen anaǵa qatysty is qozǵaldy, dep habarlaıdy Qazaqparat tilshisi Mańǵystaý oblystyq ІІD baspasóz qyzmetine silteme jasap.
Atalǵan derek boıynsha QR Qylmystyq kodeksiniń 99-baby (adam óltirý), 2-tarmaǵy boıynsha boıynsha is qozǵalyp, aıyptalýshy qamaýǵa alynǵan.
Osy oqıǵa boıynsha barlyq qajetti saraptamalar taǵaıyndalyp, sotqa deıingi tergeý júrgizilýde.
Aıta keteıik, osydan 1 kún buryn jaǵa ustatarlyq jaǵdaı tirkelgen bolatyn. Úıinde anasy ulyn jylytqysh batareıaǵa aıaq-qolynan baılap, tunshyqtyryp óltirgen. Kýágerlerdiń aıtýynsha, oqıǵa 5 shaǵynaýdandaǵy 3-úıde bolǵan.
Qaıtys bolǵan bala 10 jasta. Qaladaǵy №7 mekteptiń 3 synybynda oqyǵan.
Kórshileriniń aıtýynsha, kelinshek kúıeýinen ajyrasqan. Biraq, ol ákesimen jolyǵyp turǵan. Sońǵy 2 aıda áıel jıi aıǵaı-shý shyǵaryp, mektepte muǵalimdermen sózge kelisip qalatyn bolǵan.
Oblystyq ІІD baspasóz qyzmetiniń habarlaýynsha, kúdikti oqıǵa ornynda ustalǵan. Eshqandaı qarsylyq kórsetpesten, bar kinásin moıyndaǵan.
