Mańǵystaýda ótken jyly kólik ıeleri VIP nomer satyp alýǵa 116 mln teńge jumsaǵan

AQTAÝ. QazAqparat - Mańǵystaýda ótken jyly kólik júrgizýshileri erekshe nomer satyp alýǵa 116 446 071 teńge jumsaǵan. Bul qarjyǵa olar 425 nomer satyp alǵan, dep habarlaıdy QazAqparat tilshisi.
None

VIP, ıaǵnı erekshe nómirler 7 sanatqa bólinedi jáne olardyń quny nómirge baılanysty qymbattaı beredi. Erekshe nomerler 57 AEK, ıaǵnı 196 650 teńgeden bastalady. Bul sanatqa 010-nan 090-ǵa deıingi nomerler kiredi. Al kerisinshe eń qymbat nomerler qataryna 001 -den, 009-ǵa deıingi qos nólmen bastalatyn nomerler men 777 nomeri kiredi. Atalǵan erekshe sandardyń quny birdeı serııamen 285 aılyq eseptik kórsetkishti quraıdy.

«Eń qymbat nomerler birdeı serıasymen 285 AEK, al serııasy ózgeretin bolsa 228 AEK. Kólik júrgizýshilerine qalaǵan serııany tańdap alýǵa múmkindik bar», - dedi Mańǵystaý oblystyq mamandandyrylǵan halyqqa qyzmet kórsetý bóliminiń basshysy Juparbek Jarmenov.

Mańǵystaýlyqtar arasynda 010, 070 jáne 077 nomerleri suranysqa ıe. Sondaı-aq aımaqta 012 men 362 nomerlerin alatyndar qatary jyldan jylǵa artyp keledi. Al osyndaı erekshe nomerler alý tártibi jeńildeı túsken.

«Bizder sórege qoıý úshin VIP nomerlerge tapsyrys bere almaımyz. Óıtkeni qazir júıe qoıyldy, onda jeke adam ózi kelip ótinim beredi. Tólem aqysy jasalǵannan keıin ótinish oryndalatyn bolady», - dedi Juparbek Jarmenov.

Aıta ketsek, 2022 jyly 425 mańǵystaýlyq kólik ıesi 116 mln. teńgege erekshe nomer satyp alǵan. Al VIP nomerler ótinim bergennen keıin eki apta ishinde daıyn bolady.


Сейчас читают