Mańǵystaýda órtten zardap shekken qostanaılyqtarǵa gýmanıtarlyq kómek qabyldaý pýnktileri ashyldy

AQTAÝ. QazAqparat – Mańǵystaý oblysynyń qalalary men aýdandarynda tabıǵı apattan zardap shekken Qostanaı ólkesiniń turǵyndaryna gýmanıtarlyq kómek qabyldaý pýnktileri ashyldy, dep habarlaıdy QazAqparat tilshisi.

«Tilsiz jaýdyń saldarynan Qostanaı jurty qazir úlken qaýip-qatermen kúresip jatyr. Osy oraıda, búginnen bastap «AMANAT» partııasynyń Mańǵystaý oblystyq fılıaly gýmanıtarlyq kómek qabyldaý pýnktilerin ashty. Aqtaý qalasy boıynsha kómek qabyldaý pýnkti partııanyń fılıaly ǵımaratynda (17-shaǵyn aýdan, 50/1 ǵımarat, 1-qabat) ornalasqan», - dedi «AMANAT» partııasy Mańǵystaý oblystyq fılıalynyń atqarýshy hatshysy Nurbek Qarasaev.

Sondaı-aq, kómek qabyldaý pýnktileri barlyq qalalyq, aýdandyq partııa fılıaldary janynan da ashyldy.

Eske salsaq, 2 qyrkúıekte saǵat 15:10-da Qostanaı oblysyndaǵy Qazanbasy aýylynan 20 shaqyrym jerde, «Basaman KShSh» KMM aýmaǵynda orman alqaby órtengen bolatyn. Tótenshe jaǵdaılar mınıstri ıÝrıı Ilın oqıǵa ornyna tikushaqpen attandy.

Órt aýyldarǵa qaraı jalyndap, turǵyndar evakýatsııalandy, órtke baılanysty shuǵyl jeli iske qosyldy.

Prezıdent Qasym-Jomart Toqaev Premer-Mınıstr Álıhan Smaıylov, Tótenshe jaǵdaılar mınıstri ıÝrıı Ilın jáne Qostanaı oblysynyń ákimi Arhımed Muhambetovtyń órt aımaǵyndaǵy jedel jaǵdaı týraly esebin tyńdady.

Tótenshe jaǵdaılar mınıstri ıÝrıı Ilınniń málimeti boıynsha, Qostanaı oblysy Áýlıekól aýdanyndaǵy órt 43 myń gektardan astam aýmaqty sharpyǵan. Amanqaraǵaı aýylynda 98 úı órtenip ketti. 10 adamdy ortasha deńgeıde kúıik shalǵan jáne ýlanǵan. Sondaı-aq, Amanqaraǵaı aýylynda bir adamnyń máıiti tabyldy.

QR Premer-Mınıstri Álıhan Smaıylov Qostanaı oblysyndaǵy alapat tabıǵı órtterdiń saldaryn joıý máseleleri boıynsha jedel keńes ótkizdi.

Óńirlerde «AMANAT» partııasynyń gýmanıtarlyq kómek qabyldaý pýnktileri jumysyn bastady.