Mańǵystaýda órtengen kóliktegi 6 ózbekstandyqtyń bári Horezm turǵyndary
ASTANA. QazAqparat - Mańǵystaýda órtengen mashınada bolǵan ózbekstandyqtardyń boljaldy tizimi jarııalandy, dep habarlaıdy «QazAqparat» HAA ÓR TJM saıtyna silteme jasap.
Buryn habarlanǵanyndaı, 2018 jylǵy 1 naýryzda Aqtaý - Beıneý avtojolynda, Mańǵystaý oblysy, Mańǵystaý aýdanynyń Shetpe aýyly mańynda 90 S 830 JA nómirli «Lada Largýs» jeńil mashınasy 737 DPA/12 nómirli «Shacman» júk kóligimen soqtyǵysqan bolatyn.
Saldarynan avtomobıl órtenip, oqıǵa ornynda 7 adam qaza tapqan, sonyń altaýy Ózbekstan azamaty bolǵan.
ÓR TJM Ózbekstan Respýblıkasynyń ІІM jáne Qazaqstan Respýblıkasy ІІM Tótenshe jaǵdaılar komıtetimen birlese júrgizilgen sharalar nátıjesinde «Lada Largýstyń» ishinde bolýy múmkin alty ózbekstandyqtyń tulǵasyn anyqtady. Olar: Allaıarov Rasýlbek Kýzıboevıch, Dýshamov Zokır Kýranboevıch, Rahımov Sherzod Saparboevıch, Begnazarov Mardonbek Hýshnýd ýglı, Madamınov Gaırat Rozmatovıch, Baltaev Mahmýdjon Sabýrjan ýglı. Olardyń barlyǵy Ózbekstannyń Horezm oblysynyń turǵyndary bolǵan.
Foto: nuz.uz
