Mańǵystaýda óńirden jyraq júrgen jerlesterine beıneúndeýmen estafeta joldandy

  AQTAÝ. QazAqparat - Men Mańǵystaýmen maqtanamyn! Osyndaı estafeta elimizdiń túkpir-túkpirindegi jáne shet elde júrgen mańǵystaýlyqtarǵa joldandy, dep habarlaıdy QazAqparat oblys ákimdigine silteme jasap.

«Rýxy bıik, tulpary júırik talaı shabandozdar shyqqan mań meken búginde el maqtanyshyna aınaldy. Qoınaýy kenge, kúmbiri ánge tolǵan qart Kaspııdiń jaǵasy - munaıshylar men balyqshylardyń, chempıondar men zııatkerlerdiń, kásipkerler men sapaly mamandardyń birligi uıysqan ordasy. Dál osy beıneúndeýmen #MenMańǵystaýmenMaqtanamyn atty estafetany elimizdiń túkpir-túkpirindegi jáne shet eldegi mańǵystaýlyqtarǵa joldaımyz. Óz elińniń jáne týǵan jerińniń shynaıy patrıoty bol!», - delingen habardamada.