Mańǵystaýda ónerkásip bazalary aýmaǵynyń birinde er adamnyń denesi tabyldy
Quqyqqorǵaý organdary qylmysqa kúdikti adam ustalǵanyn málimdedi.
Qylmystyq is birneshe kún buryn jasalǵan. Ol týraly redaktsııaǵa qaza tapqan 54 jastaǵy azamattyń baýyry habarlady. Týysynyń aıtýynsha, qylmysker qurbanyn qatty soqqyǵa jyǵyp, belgisiz jerge jasyrynǵan. Er adam, kináliler jazadan qutylyp kete me dep qaýiptenedi.
Mańǵystaý oblystyq polıtsııa departamentiniń redaktsııaǵa bergen málimeti boıynsha, oqıǵa týraly habarlama Munaıly polıtsııa bólimshesine kelip túsken. Ónerkásip aýmaǵynda denesinde kúsh kórsetý belgileri men túrli jaraqattary bar adamnyń denesi tabylǵany aıtylǵan.
«Osy fakti boıynsha barlyq saraptamalar taǵaıyndaldy, QR QK 106-baby 3-tarmaǵy boıynsha tergeý jumystary júrip jatyr. Kúdikti ustaldy jáne ýaqytsha qamaý ızolıatoryna qamaldy», - dedi Oblystyq polıtsııa departamenti ókilderi.