Mańǵystaýda oqýshylar úshin 30 myńnan astam kompıýter satyp alyndy
Bul týraly qoǵamdyq kommýnıkatsııa ortalyǵynda ótken brıfıngte Mańǵystaý oblystyq bilim basqarmasy basshysynyń orynbasary Gúlmıra Mamaeva málim etti.
«Oblys kóleminde jańa oqý jylynda 141 orta mektepte 13 773 pedagog qyzmet etedi. Bıyl 800-den asa jas maman keldi. Oblysta áli de 100-den asa pedagog mamandarǵa qajettilik bar. Onyń ishinde qazaq synyptardaǵy orys tili, orys synyptarǵa orys tili, matematıka muǵalimderine qajettilik basym. Budan basqa kadr tapshylyǵyn sheshý baǵytynda 2018 jyldan bastap beriletin jergilikti bıýdjetten bólinetin grantpen 139 stýdentti oqytyp jatyrmyz. Jergilikti grantpen oqyp jatqan stýdentterdiń ekeýi bıyl keldi. Aldymyzdaǵy jyly 6 túlek keledi», - dedi Gúlmıra Mamaeva.
Qalyptastyrýshy baǵalaý nátıjeleri kún saıyn elektrondyq jýrnalǵa ball túrinde qoıylady. Sabaq barysynda qalyptastyrýshy baǵalaýǵa ball qoıylatyn bilim alýshylardyń sanyn muǵalim ózi anyqtaıdy.
Qalyptastyrýshy baǵalaý úshin eń joǵary ball 2-11 synyptarda 10 baldan aspaıdy, bul rette 1-3 ball tómengi deńgeı krıterıılerine sáıkes keledi, 4-7 ball – orta deńgeı, 8-10 ball – joǵary deńgeı. 1-synypta baǵalaý júrgizilmeıdi.
Aıta ketsek, Mańǵystaý oblysynda 2020 jyldyń 1 qyrkúıeginen bastap 141 mektepke 158 751 oqýshy keldi. 1 synyptarǵa 18 577 oqýshy qabyldandy. Oblystaǵy karantındik shekteýlerge sáıkes birinshi synyp oqýshylaryna arnap kezekshi synyptar ashylyp, onda 14 myńnan astam bala bilim alýda. 1 shaǵyn jınaqty mektep dástúrli túrde, basqa mektepterdiń 2-11 synyp oqýshylary qashyqtyqtan oqytylyp jatyr.