Mańǵystaýda Nursultan Nazarbaev esimdi 14 adam bar
ASTANA. QazAqparat - Tuńǵysh Prezıdenttiń aty oqý oryndary, saıabaqtar men áýejaı sııaqty mańyzdy nysanǵa qoıylǵan. Al, balasynyń esimin Elbasymen baılanystyrǵandar tipti kóp. Uly tulǵaǵa uqsasyn, - degen yrymmen talaı ata-ana Nursultan esimin balalaryna qoıyp keledi. Mańǵystaýda osy atty arqalaǵan jas kóp. Bul týraly "Qazaqstan-Aqtaý" habarlaıdy.
Kishkentaı Nursultan Nazarbaev bizge tik turyp, oń qolyn júrek tusyna qoıyp, gımndi shyrqap berdi. Ájesi men atasynyń tuńǵysh nemeresi 2010-shy jyly dúnıege kelgen. Úıdiń úlkenderi aqyldasa kele, el damýyna tirek bolsyn degen nıetpen esimin Nursultan qoıypty. Búginde 7 jastaǵy jetkinshektiń alǵa qoıǵan armany asqaq.
«Polıtsııa bolǵym keledi, Prezıdent sııaqty aqyldy bolǵym keledi. Boksshy, fýtbolshy, soldat bolǵym keledi», - deıdi 7 jasar Nursultan Nazarbaev.
Munaıly aýdanynda da taǵy bir Nursultan Nazarbaev turady. Ol - jeke kásipker, 24 jasta. Ol, osydan 1 jyl buryn jıhaz tsehyn ashqan. Qazir 15 adamdy jumyspen qamtyp otyr. Osydan 4 jyl buryn otbasyn quryp, búginde 1 qyzdyń ákesi atandy.
Jalpy oblysta Nursultan Nazarbaev esimi qoıylǵan 14 adam bar.
