Mańǵystaýda «Nur-Kapıtal» baǵdarlamasy boıynsha alǵashqy nesıe berildi
AQTAÝ. QazAqparat - Búgin Aqtaý qalasynda jańa urpaqqa arnalǵan ForteBank fılıalynyń saltanatty ashylý rásimi ótti. Bul týraly QazAqparat Mańǵystaý oblysy ákiminiń baspasóz qyzmetine silteme jasap habarlaıdy.
Jańa ortalyq oblystyq fılıaldyń tusaýkeserine Mańǵystaý oblysynyń ákimi Eraly Toǵjanov jáne ForteBank Basqarmasynyń tóraǵasy Gýram Andronıkashvılı qatysty.
Saltanatty ashylý rásimi aıasynda ForteBank pen Mańǵystaý oblysynyń ákimdigi arasynda óńirdiń damýyna yqpal jasaıtyn jobalardy iske asyrý, sondaı-aq halyqqa sapaly bank qyzmetterin kórsetý maqsatyndaǵy yntymaqtastyq týraly memorandýmǵa qol qoıyldy. 
«Qarjy ınstıtýttarynyń arasynda ForteBank aıryqsha oryn alyp otyr jáne eldegi eń ótimdi ári turaqty bankterdiń biri bolyp tabylady. Biz ForteBank pen Mańǵystaý oblysy ákimdiginiń óńirdiń odan ári damýy boıynsha ortaq josparlarynyń bar ekendigine jáne tyǵyz yntymaqtastyqta jumys isteıtinimizge qýanyshtymyz, bul jóninde búgin qol qoıylǵan memorandým kýálandyryp otyr». Sondaı-aq, «Nur Kapıtal» baǵdarlamasy boıynsha ortaq jobamyz iske asýda»,- dedi ashylý rásiminde Eraly Toǵjanov.
«ForteBank qarjylandyrǵan «Nur Kapıtal» baǵdarlamasy boıynsha sýbsıdııalaýdyń birinshi shartyna qol qoıý jańa ofıstiń ashylýyndaǵy eń basty sátterdiń birine aınaldy. ForteBank eldiń eń turaqty, ótimdi jáne jaqsy kapıtaldandyrylǵan bankteriniń biri bolyp tabylady, bizge 2 000 000 astam klıent senedi, bizdiń 19 fılıalymyz ben 100 jýyq bólimshemiz bar», - dep atap ótti jıynda sóz alǵan ForteBank Basqarmasynyń tóraǵasy Gýram Andronıkashvılı.
Qazirdiń ózinde bank óńirde halyqqa jáne kompanııalarǵa qyzmetter kórsetý boıynsha kóshbasshy oryndarǵa nyq senimmen shyǵyp keledi. ForteBank oblystyq fılıalynyń klıentteri 34 000 astam jeke klıentter jáne 3000 jýyq kásipkerler bolyp otyr. ForteBank «Bıznestiń jol kartasy 2020» baǵdarlamasynyń belsendi qatysýshysy bolyp tabylady, al Mańǵystaý oblysyndaǵy fılıal birneshe ret bólingen qarajattardy ıgerý qarqyny boıynsha kóshbasshy boldy. 2017 jyldyń qorytyndylary boıynsha 2,5 mlrd teńge somaǵa 28 jobany qarjylandyrdy.
Alǵashqy bolyp «Nur Kapıtal» óńirlik baǵdarlamasy boıynsha 1 paıyzben nesıe alǵan kásipker Ashatjan Ibraev atalmysh baǵdarlama jergilikti kásipkerlerge úlken demeý bolatynyn aıtady.
«Biz Qazaqstandaǵy túıe sútiniń naryǵyn taldadyq jáne úlken mólsherde eshkimniń túıe sútin alyp, óndirmeıtini týraly qorytyndyǵa keldik. Bizdiń zaýyt Túpqaraǵan aýdany Saıyn Shapaǵatov aýylynda ornalasqan, biz pasterlengen túıe súti, ıogýrt, irimshik, shubat, aıran, qaımaq, shalap, tátti jáne basqa da qyshqyl sút ónimderin shyǵaramyz. Mańǵystaý oblysynyń ákimdigine bizdiń oblystyń barlyq kásipkerleri úshin shaǵyn jáne orta bıznesti damytýǵa arnalǵan múmkindikterge alǵys aıtamyz. «AsiaMilk» zaýyty túıe sútin qaıta óńdeý úshin 7 jyl ishinde 1% -ǵa 30 mln teńge nesıe aldy. Túıe sútin zaýyt konteınerinde shetelge eksporttaýǵa múmkindik týyp otyr», - dedikásipker Ashatjan Ibraev.
