Mańǵystaýda nesıe 1 protsentpen berilip jatyr - Baqytjan Saǵyntaev
ASTANA. QazAqparat - QR Premer-Mınıstri Baqytjan Saǵyntaev bıznesti nesıelendirý salasynda biryńǵaı saıasatty ustaý qajettigin jetkizdi, dep xabarlaıdy QazAqparat tilshisi.
"Mıkroqarjylandyrý uıymdaryna qatysty bir másele bar. Mysaly, Mańǵystaý oblysy óziniń bir baǵdarlamasyn iske qosty. Ákimdik aqsha bóldi. Munaı kompanııalary da qarjy quıdy. Sóıtip, nesıeni 1 protsentpen berip jatyr. Biraq myna jaqta memlekettik baǵdarlama da bar ǵoı. Ony iske asyrmasa, bıýdjet qarjysyn ıgermeý sııaqty máseleler týyndaıdy. Negizi, olaı eki baǵdarlamanyń arasynda básekelestiktiń bolǵany durys emes. Osy salada biryńǵaı saıasat bolýy qajet", - dedi B.Saǵyntaev "Atameken" UKP Prezıdıýmynyń keńeıtilgen otyrysynda.
Úkimet basshysynyń aıtýynsha, Mańǵystaý oblysy ondaı bastamany kóterse, ony basqa baǵdarlamalardan bosatý qajet. Biraq barlyq jaýapkershilikti jergilikti bılik pen munaı kompanııalary óz moınyna alýlary tıis.
Aıta keteıik, otyrys kezinde Baqytjan Saǵyntaev kásipkerlerdi kórshi Qytaı arqyly Ońtústik Azııa elderine shyǵýǵa úndedi.
Budan bólek, Úkimet basshysy Qytaı naryǵyna shyǵýdyń jolyn kórsetti.
