Mańǵystaýda naýryzdaǵy qaıyrymdylyq aktsııasynda 3 500 otbasyǵa kómek kórsetildi
Ulystyń uly kúni teńiz jaǵalaýynda ornalasqan kıiz úıler qalashyǵynda halyqtyq serýen ótip, qolóner buıymdarynyń kórme-jármeńkesi, qala kásipkerleriniń saýda-sattyq qyzmeti jáne táttiler jármeńkesi, «Ulys kúni - Uly kósh» mekemeler eńbek ujymdarynyń sherýi uıymdastyryldy. Sondaı-aq «Áz-Naýryz - tatýlyq merekesi!» atty teatrlandyrylǵan kórinis qoıylyp, «Baýyrsaq-patı», «Shubat-patı» atty turǵyndar arasyndaǵy shubat ishýden jarys ótti. Mereke qalalyq «Jyr-ǵumyr» atty kásibı jyrshy-termeshiler baıqaýymen jalǵasty. «Naýryz-2018» merekesinde qala turǵyndary men qonaqtary ulttyq sport túrleri: arqan tartý, asyq atý, qazaqsha kúres, gir tasyn kóterý, qol kúshin synasý, toǵyzqumalaq saıystarynan baq synasyp, jeńimpazdarǵa júldeler berildi. Іs-shara «Altybaqan» oıyn-saýyq baǵdarlamasymen ulasyp, merekelik otshashýmen aıaqtaldy.
Mańǵystaýǵa jumys saparymen kelgen «Nur Otan» partııasy Tóraǵasynyń Birinshi orynbasary oblys turǵyndaryn jyl basy - Naýryz merekesimen quttyqtady.Máýlen Áshimbaev Mańǵystaýdyń Qazaqstan tarıhyndaǵy erekshe mańyzdylyǵyn jáne eldiń damýyndaǵy qazirgi rólin atap ótti.
«Men Ulystyń uly kúnin kıeli mekende qarsy alǵanyma qýanyshtymyn! Naýryz - yntymaq pen berekege toly mereke. Bul kúni árdaıym beıbitshilik pen tynyshtyq ornaǵan, baǵzy zamanda soǵystar toqtatylyp, ókpe-nazdar keshirilgen. Biz de osy tamasha dástúrdi qurmettep, baǵalaımyz. Naýryz ár shańyraqqa beıbitshilik pen tynyshtyq, gúldený men jaqsylyq ala kelsin! Barlyq armandarymyz oryndalyp, úmitter aqtalsyn!», - dedi quttyqtaý sózinde Máýlen Áshimbaev.
Mańǵystaý oblysyndaǵy Naýryz meıramy Memleket basshysynyń bes áleýmettik bastamasymen ushtasty. Naýryzdyń birinshi kúni oblysta «Asar-Jomart-Jerek» qaıyrymdylyq aktsııasy bastaý alyp, onyń aıasynda 3500 mújálsiz otbasyǵa 25 mıllıon teńgege kómek kórsetildi.
«Nur Otan» partııasy Tóraǵasynyń Birinshi orynbasary men Mańǵystaý oblysynyń ákimi Eraly Toǵjanov Aqtaý qalasynyń turǵyny, «Kúmis Alqa» ıegeri Monshaq Jolmaǵambetovany merekemen quttyqtady.Aımaq basshysy mundaı qaıyrymdylyq sharalary aımaqta turaqty negizde ótkiziletinin aıtyp ótti.
«Prezıdenttiń bes áleýmettik bastamasy - kóptegen qazaqstandyqtardyń máselelerine sheshim bolǵan biregeı joba, naǵyz kóktemgi tartý. Bir baǵytynyń ózi ár otbasyna baspana alýdyń jańa múmkindikterin beredi. Ótken jyldyń ózinde oblysymyzda 7 myń otbasy baspanaly boldy. Bıyl bul kórsetkish eseleı túsetini anyq», - dedi Mańǵystaý oblysynyń ákimi Eraly Toǵjanov.
«Nur Otan» partııasy Tóraǵasynyń Birinshi orynbasary Mańǵystaýdaǵy jumys sapary barysynda oblys aktıvimen kezdesti.Máýlen Áshimbaev eldegi jetekshi saıası kúshtiń jańǵyrtylýy týraly túsinik berip, jergilikti partııa múshelerin jumystyń jańa formaty men tásilderine kóshýge shaqyrdy.Oblys ákimi, «Nur Otan» partııasynyń oblystyq fılıalynyń tóraǵasy Eraly Toǵjanov Memleket basshysynyń jańa iri áleýmettik bastamalaryn iske asyrýda qoǵamdyq baqylaýdy qamtamasyz etý jónindegi barlyq tapsyrmalary oryndalatynyn atap ótti.
