Mańǵystaýda Muryn Jyraýǵa arnalǵan respýblıkalyq jyrshylar baıqaýy bastaldy

AQTAÝ. QazAqparat - Muryn jyraý Seńgirbekulynyń 160 jyldyǵyna arnalǵan «Muhıttan qalmysh teńiz-jyr» respýblıkalyq jyrshylar baıqaýy bastaldy, dep habarlaıdy Qazaqparat tilshisi.

Muryn jyraý Seńgirbekuly Asan, Sypyralar negizin salyp ketken mol dúnıeni san jyldar jadynda saqtap, erekshe sheberlikpen júıeli oryndap, búgingi urpaqqa tabys etken.

Jyrshynyń qurmetine oraı uıymdastyrylǵan baıqaýdyń maqsaty - «Qyrymnyń qyryq batyry» syndy murany jáne osy zamanǵa jetkizýshi Muryn jyraýdyń esimin jas oryndaýshylar arasynda keńinen nasıhattaý, rýhanı murany jańǵyrtý.

Baıqaý jeńimpazyna qoıylǵan basty syılyq - Muryn jyraýdyń dombyrasy.

Jarysta saıdyń tasyndaı kil myqtylar baq synaıdy. Qatysýshylar Batys Qazaqstan, Mańǵystaý, Qyzylorda oblysy men Nur-sultan, Almaty qalasynan kelgen.

Al, úmitkerlerdiń ónerin jyrshy-termeshi Eldos Emil, Qazaqstannyń eńbek sińirgen qaıratkeri Uljan Baıbosynova, QR Mádenıet salasynyń úzdigi Jetkizgen Seıitov, Qurmanǵazy atyndaǵy qazaq ulttyq konservatorııasynyń professory Amandyq Kómekuly baǵalaıdy.

Baıqaý talaby boıynsha talapkerler alǵashqy kezeńde «Arǵymaq atqa jarasqan», «Nurym jyraýǵa ózin tanystyrýy», «1942 jyly Almatyǵa barǵanda alqaly topqa aıtqany» dep atalatyn terme-sózderdi oryndaıdy. Al, ekinshi kezeńde «Oraq, Mamaı», «Qarasaı, Qazı» jyrlaryn oryndaıdy.