Mańǵystaýda munaı kompanııasynyń jumysshysyna qasqyr shapty
ASTANA. QazAqparat - Mańǵystaý oblysy Beıneý aýdanynyń №6 jol aıyryǵynda munaı óndiretin kompanııanyń dánekerleýshisine qasqyr shapty. Bul 2 jeltoqsan kúni saǵat 09:30-dar shamasynda bolǵan. Beıneý aýdandyq ortalyq aýrýhanasy dárigerleriniń aıtýynsha, zardap shegýshi qalyń kıingendikten qatty zardap shekpegen, dep habarlaıdy Lada.
Jyrtqysh óndiris bazasynyń aýmaǵyna kirip, 1972 jylǵy er kisige shabýyldaǵan. Qasqyr dánekerleýshiniń aıaǵyna jarmasqan. Kýágerlerdiń aıtýynsha, Ústirttiń qoıshylary qasqyrdy atyp óltirgen. Jábirlenýshini Beıneý aýdandyq ortalyq aýrýhanaǵa jetkizgen. Dárigerler er kisiniń asa aýyr jaraqat almaǵanyn habarlady. «Ony qalyń kıimi aman alyp qaldy, eshqandaı dene múshesine tis ótpegen, tek aıaǵy kógergen. Zardap shegýshige qutyrmaǵa qarsy kómek kórsetilip, vaktsına salyndy. Osydan keıin er kisi qaıta jumysqa shyqty. Shetpedegi veterınarlyq zerthana óltirilgen bóriniń qutyrǵandyǵyn anyqtaý maqsatynda zerthanalyq synama júrgizedi», - dep habarlady Beıneý aýdandyq ortalyq aýrýhanasy.
Kýágerler óndiris bazasynda keıde qarsaqtardyń júretinin, biraq qasqyrdyń kóp jylda birinshi ret kelgenin tilge tıek etti.
