Mańǵystaýda munaı kásiporyndary 2 mln tonnaǵa jýyq topyraqty lastap, búldirip ketken
Jerdi osydan elý buryn jumys istegen munaı kásiporyndary búldirip ketken.
Qazir mamandar eýropalyq úlgidegi quraldardy qoldanyp, zalalsyzdandyrý jumysyn jalǵastyryp jatyr. Bul óńirdiń ekologııalyq ahýalyn jaqsartady.
Topyraq lastaný deńgeıine qaraı birneshe surypqa bólinedi. Zalalsyzdandyrý kezinde jer quramynan qum, saz jáne munaı emýlsııasy bólinedi.
Budan soń topyraqqa mal tezegi, mıneraldy tyńaıtqyshtar men Qazaqstanda jasalǵan bıoónim qosylady. Ol óz kezeginde munaı qaldyǵyn qyshqyldandandyrady.
Mamandar osylaısha tazalaýdan ótken jer ýchaskesine dándi- daqyl egip, synaqtan ótkizgen.
Qaraqııa aýdanynda lastanǵan aýmaqtardy tazalaý úshin munaı kompanııasy 2019 jyly memlekettik organdarmen memorandýmǵa otyrǵan.
Munaı qaldyǵy aralas jer ýchaskelerin óńdeýge 13 mlrd teńge bólinipti. Qazirgi kezde jumys eki aýysymmen júrip jatyr.
Tazalanǵan topyraqtyń tabıǵatqa zııany joqtyǵyn 3 táýelsiz zerthananyń saraptamasy kórsetken.
«Kelisimshart aımaǵynda lastanǵan 2 mln tonnaǵa jýyq tarıhı lastanǵan jerler bar. Qazirgi kezde munaı kompanııasy 500 myń tonnadaı qaldyqtardy tazalady. 2025 jyly osy jumystardy tolyqtaı aıaqtap, memleket menshigine berýi tıis. Ol jumysty bizdiń departament baqylaýǵa aldy», - deıdi Mańǵystaý oblystyq ekologııa departamentiniń basshysy Rýslan Tókenov.