Mańǵystaýda múmkindigi shekteýli azamattar men zeınetkerlerge ekpeni úıinde saldyryp jatyr

AQTAÝ. QazAqparat - Mańǵystaýda mobıldi top qyzmetkerleri múmkindigi shekteýli azamattar men zeınetkerlerge ekpeni úıinde salyp berip jatyr, dep habarlaıdy QazAqparat tilshisi.

Bul týraly Qoǵamdyq kommýnıkatsııa ortalyǵynda ótken brıfıngide Mańǵystaý oblysynyń densaýlyq saqtaý basqarmasynyń basshysy Amanbek Jumyrov málim etti.

«Áleýmettik osal toptaǵy jáne sozylmaly aýrýy bar adamdarǵa ekpe salý jumysy úıden júrgizilip jatyr. Aıta ketsek, 1 kúnniń ishinde 51 adam ekpe aldy. Onyń aldyńǵy kúni 3 adam alǵan. Árbir emhanada qosymsha jyljymaly brıgadalar uıymdastyrylyp, sol baǵyttaǵy jumysty kúsheıtip jatyrmyz. Alǵashqy kúni 3 brıgada qurylǵan. Kelesi kúni 7 brıgada jumys jasady. Alǵashqy medıtsınalyq sanıtarlyq kómek kórsetý jekemenshik nemese memlekettik mekemelerdiń barlyǵynda múmkinshilik bar. Qajetti jaǵdaıda árbir mekemeden brıgadalar daıyn. Búgingi kúni barlyq mekemeler osy baǵyttaǵy jumysty jalǵastyryp jatyr», - dedi Amanbek Jumyrov.