Mańǵystaýda monıtorıng toptarynyń sanyn kóbeıtý josparlanyp otyr

AQTAÝ. QazAqparat - Mańǵystaý oblysynda COVID-19 ınfektsııasynyń taralýynyń aldyn alý boıynsha karantındik is-sharalardy iske asyrý jónindegi jedel shtabtyń otyrysy ótti, dep habarlaıdy QazAqparat tilshisi.

Mańǵystaý oblysy ákiminiń orynbasary Gúlmıra Qalmuratovanyń tóraǵalyǵymen COVID-19 taralýynyń aldyn alý boıynsha karantındik is-sharalardy iske asyrý jónindegi jedel shtabtyń kezekti otyrysy ótti.

Jıyn barysynda naqty sheshimderdi talap etetin máseleler qaraldy. Sonyń biri – monıtorıng toptarynyń sanyn kóbeıtý. Búginde Mańǵystaýda 24 monıtoıng toby bar. Olar karantın talaptarynyń oryndalýyn qadaǵalap, sanıtarlyq normalardy óreskel buzǵandardy anyqtap otyr.

Oblys aýmaǵynda koronavırýstyń taralýyna jol bermeý úshin birqatar qosymsha saqtyq sharalary qabyldandy. Jedel shtab quramy ózgerdi. Jańartylǵan shtab quramyna SES mamandary, prokýratýra men jergilikti polıtsııa ókilderi, qala, aýdan ákimderi, «Atameken» ÓKP jáne ózge de jaýapty basqarma basshylary bar.

Jıyndy qorytyndylaı kele, oblys ákiminiń orynbasary G.Qalmuratova shtabqa óńirdegi jaǵdaıdy táýlik boıy baqylaýda ustaýdy tapsyrdy.