Mańǵystaýda memlekettik qyzmetshiler korporatıvten bas tartyp, qarjyny qaıyrymdylyqqa jumsady
Mańǵystaý oblysynyń qoǵamdyq kommýnıkatsııa ortalyǵy taratqan málimetke súıensek, olar mereke qarsańynda áriptesterimen bas qosýǵa jınalatyn qarjyny qaıyrymdylyq qorlaryna aýdarsa, endi bir ujym kómekke muqtaj jandarǵa qol sozdy.
Máselen, Mańǵystaý aýdanyna qarasty 12 aýyldyń ákimdik qyzmetkerleri 500 myń teńge jınap, áleýmettik jaǵynan az qamtylǵan otbasylarǵa azyq-túlik pen jańa jyldyq syılyq úlestirdi.
Sondaı-aq, 6 balasy bar arbada otyrǵan anaǵa qoldaý kórsetip, qarjylaı kómek berdi. Qaraqııa aýdanynyń memlekettik qyzmetshileri 631 myń teńge kóleminde qarjy jınap, qaıyrymdylyqqa aýdardy.
«Qaıyrymdylyq estafetasyn Mádenıet, tilderdi damytý jáne arhıv isi basqarmasy jalǵady. Ujym oblystyq ortalyq «Beket ata» meshitine 100 myńǵa jýyq qarjy aýdarǵan. Budan bólek, Mańǵystaý oblysynyń Qarjy basqarmasy, Kásipkerlik jáne saýda basqarmasy, Investıtsııalar jáne týrızmdy damytý basqarmasy, Energetıka jáne turǵyn úı-kommýnaldyq sharýashylyq basqarmas «My lıýdı my vmeste» qaıyrmdylyq qoryna 1 kúndik jalaqysyn aýdardy», - delingen habarlamada.
«30 ıgi is» respýblıkalyq aktsııasy aıasyn Mańǵystaý oblysy ákiminiń janyndaǵy áıelder isteri jáne otbasylyq- demografııalyq saıasat jónindegi komıssııa músheleri jalǵastyrýda. Olar turmysy tómen otbasylarǵa as úı jıhazy men kereýet alyp kómektesse, taǵy 20 otbasyǵa azyq-túlik jetkizdi.
