Mańǵystaýda memleketten sýbsıdııa alatyn sharýalar sany artqan
2020 jyly Mańǵystaý oblysy boıynsha memleketten bólingen sýbsıdııany 10 sharýa qojalyǵy alsa, 2021 jyly bul kórsetkish 82-ge jetken. Al bıyl 197 sharýa ıesi memleketten kómek alǵan. Buǵan sebep sýbsıdııa alý boıynsha júrgizilgen túsindirme jumystary men bıýdjetten qarajattyń ońtaıly bólinýi bolyp otyr.
«Jyl sońyna deıin aýyl sharýashylyǵy janýarlaryna qajetti azyq mólsherin jetkizý josparlanyp otyr. Ótken jylǵy qurǵaqshylyqtan keıin jeke sharýashylyqtarǵa birqatar memlekettik qoldaý sharalary kórsetildi, bul baǵyttaǵy jumystar jalǵasa beredi», dedi Mańǵystaý oblystyq aýyl sharýashylyǵy basqarmasynyń basshysy Qazbek Táshenov
Sonymen qatar ár analyq mal basyna tólenetin normatıv kólemi de ósken.
Mal azyǵyn sýbsıdııalaý talaptaryna sáıkes 2021 jyly túıe, jylqy, sıyr 25 analyq mal bastan jáne qoı men eshkige 150 analyq mal bas talap etilse, bıylǵy jyly mal basynyń bolýy talap etilmeıdi.