Mańǵystaýda mektep dırektory ózine salynǵan aıyppuldy tóleý úshin muǵalimderden aqsha jınaǵan
«11 aryz-shaǵym tústi. 6 jospardan tys tekserý júrgizdik. Anyqtalǵanyndaı, bir mekteptiń dırektory ózine bólingen sabaǵyn ótkizbegen, sol arqyly jalpyǵa bilim berý standartynyń talaptaryn buzǵan. Sol mektepte «Pedagog mártebesi týraly» zań talaptary da buzylǵan. Dırektor muǵalimderge mektepke qajetti qural alýǵa tapsyrma bergen. Sondaı-aq, mektep ákimshiligi muǵalimniń 3 saǵat júktemesin zańsyz alyp, oqý baǵdarlamasy oryndalmaǵan. Sonymen qatar, taǵy bir mektep basshysy ózine salynǵan aıyppuldy tóleý úshin muǵalimderden aqsha jınaǵan. Soǵan sáıkes ákimshilik sharalar qabyldandy», - dedi oblystyq bilim salasyndaǵy sapany qamtamasyz etý departamentiniń basshysy Esbolat Ómirzaq óńirlik kommýnıkatsııalar ortalyǵynda ótken brıfıngide.
Jospardan tys tekserý barysynda bir kolledj basshysynyń atqaratyn qyzmetine beıini sáıkes kelmeıtin mamandardy jumysqa qabyldaǵany rastaldy.
Buǵan deıin habarlaǵanymyzdaı, Mańǵystaý oblysynda jyl basynan beri júrgizilgen memlekettik attestattaýdyń birinshi kezeńinen 28 bilim berý uıymy ótpeı qalǵan.
