Mańǵystaýda medıtsına qyzmetkerleriniń 77 paıyzy koronavırýs vaktsınasyn aldy
Mańǵystaý oblystyq Densaýlyq saqtaý baskarmasynyń málimetinshe, 7.2 myńnan astam medıtsına salasynyń qyzmetkeri COVID-19 ınfektsııasyna karsy vaktsınany egilgen.
«Mańǵystaý oblysy boıynsha jalpy medıtsına qyzmetkerleriniń sany 10 myńnan asady. Onyń ishinde 9 376 vaktsına alýshylar sanatyna kiredi. Búginde ekpe alǵandar sany 7 206 aq halatty abzal jandardy quraıdy. 77% jetip otyr», delingen habarlamada.
Aǵymdaǵy málimetter óńir turǵyndarynyń vaktsına alýda belsendiligi artqanyn kórsetti. Ekpe pýnkterine kelgenderdiń qatary kóbeıgen.
«Mysal retinde bizdiń emhanamyzda medqyzymetkerleriń 96 paıyzy ekpe aldy. Jeksenbi, senbi kúnderi de jumys jasap jatyrmyz. Halyqtyń sany kúnnen kúnge artyp jatyr. Qajet bolǵan jaǵdaıda túsindirme jumystaryn da osy jerden júrgizip jatyrmyz. Kúnine emhanamyzda 200 adam ekpe alyp jatyr», - dedi Aqtaýdaǵy «ERKEMED» emhanasynyń bas dárigeri Serik Qasym.
Onyń aıtýynsha, munda qyzmetkerleri kóp eńbek ujymdaryna baryp vaktsınatsııa jasaý qolǵa alynǵan . Tek sanıtarlyq normaǵa saı keletin ekpe orny jasaqtalýy kerek.
