Mańǵystaýda Májilis depýtattary sot jumysymen tanysty

AQTAÝ. QazAqparat - Mańǵystaýda Parlament Májilisiniń Zańnama jáne sot-quqyqtyq reforma komıtetiniń Qazaqstan Respýblıkasynyń sottaryn jańǵyrtý máseleleri boıynsha kóshpeli otyrysyna qatysýshylar óńir sottarynyń jumysymen tanysty, dep habarlaıdy QazAqparat oblystyq sottyń resmı saıtyna silteme jasap.

Qonaqtarǵa elektrondy sot tóreligi, sot protsesterin aýdıo-beıne tirkeý jáne beınebaqylaý júıesiniń múmkindikteri, sot otyrystaryn qashyqtyqtan ótkizýge arnalǵan beınebaılanys qurylǵylarynyń qyzmeti, ishki-syrtqy qaýipsizdik jumystary tanystyryldy.

Іs-sharaǵa qatysýshylar advokattar men medıatorlardyń kabınetterin, kútý bólmelerin, sondaı-aq oblystyq sottaǵy quqyqtyq qyzmet kórsetý ortalyǵyn,Aqtaý qalasynyń №2 sotyndaǵy front-ofısti aralap kórdi.