Mańǵystaýda Májilis depýtattary energokombınat jumysymen tanysty
AQTAÝ. QazAqparat - Qazaqstan Respýblıkasy Májilisiniń depýtattary Mańǵystaý óńirine jumys saparymen kelip, birqatar nysandardy aralady. Halyq qalaýlylary aldymen «MAEK-Qazatomprom» JShS bolyp, ujymmen kezdesti, dep xabarlaıdy QazAqparat tilshisi.
Kombınat Aqtaý qalasy men jaqyn mańdaǵy kentterdiń turǵyndaryn, sondaı-aq óńirdiń ónerkásiptik kásiporyndaryn aýyz sýmen jáne sharýashylyq sýmen, jylýmen jáne elektr energııasymen qamtamasyz etedi.
Óndiris ornynda búginde 4000-ǵa jýyq jumysshy men mamandar eńbek etedi.
Qazirgi ýaqytta kombınatta 600 Mvt-tan astam elektr qýatymen jumys isteý jáne táýligine 60 myń tekshe metrden astam dıstıllıat shyǵarý múmkindigi bar.
Depýtattar negizgi basym baǵyttarǵa, onyń ishinde azamattardyń ál-aýqatyn jaqsartýǵa erekshe mán berilip kele jatqandyǵyn alǵa tartty. Kezdesýde eńbek ujymy halyq qalaýlylaryna óz-usynystaryn bildirip, pikir almasty.
"Bizder únemi jospar boıynsha aımaqtardy aralaımyz. Búgin Mańǵystaýǵa keldik. Óńirdiń xalqymen kezdesip, máselelerin bilip, tyńdaý ótkizemiz. Bıyl 100-ge jýyq zań qaraldy. 80%-y protseste. ıAǵnı, Senatqa jiberildi nemese Prezıdent qaraýynda. Jaqynda saılaý ótedi. Barlyqtaryńyzdy belsendi qatysýǵa shaqyramyn,-dedi Májilis depýtaty Sáken Ótebaev.
Birqatar ózekti áleýmettik máseleler kóterilip, aıtylǵan usynys-pikirler depýtattar nazaryna alyndy.
