Mańǵystaýda mas júrgizýshi ómir boıy kólik júrgizý quqyǵynan aıyryldy

AQTAÝ. QazAqparat - Mańǵystaý oblysynyń turǵyny ómir boıyna kólik júrgizý quqyǵynan aıyryldy. Birneshe márte mas kúıinde ustalǵan azamatqa qatysty Qaraqııa aýdandyq soty úkim shyǵardy, dep habarlaıdy QazAqparat tilshisi.

Júrgizýshi 2019-shy jyly alkogoldik ishimdik iship, kólik júrgizgeni úshin úsh jylǵa kólik basqarý kýáliginen aıyrylǵan. Shekteý merzimi ótpeı jatyp, zańdy taǵy buzǵan. Osydan bir aı buryn Qaraqııa aýdanyndaǵy Qulandy aýylynyń mańynda qujaty bolmasa da kólik júrgizgen. Bul joly da mas bolǵan.

Aıta keteıik, byltyrdan beri mas kúıde kólik basqarǵan azamattarǵa qatysty jaza qatańdatylǵan bolatyn. 2020 jyly Mańǵystaý oblysynda spırttik ishimdik iship, kólik aıdaǵan 152 adamǵa sot úkimi shyqqan.

«Ol buǵan deıin 3 jyl merzimge kólik quralyn basqarý quqyǵynan aıyrylǵan edi. Osy quqyq buzýshylyqty bir jyl ishinde qaıtalap jasaǵany úshin ol Qylmystyq kodekstiń 346-shy babynyń 1-shi bóligi boıynsha aıypty dep tanylyp, ómir boıy kólikti basqarý quqyǵynan aıyryldy. Jáne 2 jyl 6 aı merzimge bas bostandyǵyn shekteý jazasy taǵaıyndaldy», - Mańǵystaý oblystyq sotynyń baspasóz hatshysy Gaýhar Nurhanova