Mańǵystaýda MÁMS júıesi aıasynda kúrdeli otalar jasalatyn boldy

AQTAÝ. QazAqparat – Mańǵystaý oblysynda MÁMS júıesi aıasynda joǵary tehnologııalardy qoldaný arqyly jasalatyn kúrdeli otalar qoljetimdi boldy. Olardyń qatarynda estý qabiletin qalpyna keltirý, ekstrakorporaldy uryqtandyrý, neırohırýrgııa men kardıohırýrgııa jáne transplantologııalyq ota túrleri de bar, dep habarlaıdy QazAqparat tilshisi.

Buryn otany kútý merzimi 3-4 aıǵa deıin sozylsa, qazir 1 aıǵa qysqarǵan.

«Joǵary tehnologııalardy qoldaný arqyly jasalatyn otalardyń ortasha quny 3 mln teńge turady. Al, kardıohırýrgııalyq operatsııanyń quny 74 mln teńgeden asady. Sondyqtan, joǵary tehnologııalardy qoldaný arqyly jasalatyn kúrdeli otalar naýqastar úshin kóp jeńildik bolyp otyr. Sonymen qatar, MÁMS júıesi aıasynda pozıtrondy-emıssııalyq tomografııa qyzmetteri de qoljetimdi boldy. Bul onkologııalyq aýrýlardy dıagnostıkalaý sapasyn jáne olardy emdeýdiń tıimdiligin aıtarlyqtaı arttyrady», - dedi «Mindetti medıtsınalyq saqtandyrý qory» KeAQ Mańǵystaý oblystyq fılıalynyń dırektory Eldesh Qosmaǵanbetov.