Mańǵystaýda mal sany 12 paıyzǵa artty
ASTANA. QazAqparat - Mańǵystaý oblysy ákimdiginiń alǵa qoıǵan negizgi maqsattarynyń biri - Elbasymyz Nursultan Nazarbaevtyń joldaýynda aıtylǵan agrarlyq sektordy oblys ekonomıkasynyń draıverine aınaldyrý. Ata kásibimiz mal jáne egin sharýashylyǵyn damyta otyryp, aldymen jergilikti turǵyndardy tolyq óz ónimderimizben qamtamasyz etý, dep habarlaıdy óńirlik ákimdiktiń baspasóz qyzmeti.
Aýylsharýashylyq salasynyń toǵyz aıyn qorytyndylap, alqaly jıyn ótkizgen oblys ákimi Eraly Toǵjanov aımaqta atqarylǵan jumystardyń esebin tyńdap, kásipkerlermen kezdesti. Mal sharýashylyǵyn ótken jylmen salystyrǵandanda óńirde ósim bar, ıaǵnı mal basy 12,5 paıyzǵa artqan.
Máselen, mal sany byltyr (2016j.) 482 713 bas bolsa, bıyl (2017j.) 537 247 basqa jetken. Kósh basynda Mańǵystaý men Beıneý aýdandary tur.
Asyl tuqymdy mal sharýashylyǵy - sapaly da mol ónim óndirýdiń kózi. Qazirgi kúni Mańǵystaý oblysy boıynsha 36 asyl tuqymdy mal sharýashylyǵy sýbektisi tirkelgen. Dál osy saladaǵy taýaróndirýshilerdi memlekettik qoldaý aıasynda mal ónimdiligin arttyrýǵa oblys boıynsha 260 mln. teńge sýbsıdııa qarjysy bólingen. Mal sharýashylyǵymen aınalysam degen azamattarǵa jan jaqty qoldaý kórsetilýde.
Sondaı-aq ol Birikken Arab Ámirliginen jylyna 2,5 mln bas qoıǵa suranys baryn aıtty. Bul oblystyń eksporttyq áleýetimizdi arttyrýǵa jol ashatyn bolady. Sondyqtan ákim barlyq shopandardy qoıdy kóp ósirýge shaqyrdy. Osy rette shopan kómekshilerine aı saıyn turaqty jalaqy berilip turatynyn málimdedi.
Aıanbaı ter tógip, eńbek etseń, jer ananyń da jerge qaratpaıtyny anyq. ıAǵnı, berekesi mol kásiptiń biri egin sharýshylyǵy. Búginde oblys boıynsha egistikpen aınalysatyn 120 sharýashylyq jáne 13593úı sharýashylyqtary bar.
Bıylǵy egin alqabynyń kólemi 1100 ga (2016j. 941 ga). Sonymen qatar 27 jylyjaı keshini jumys jasap tur. Bul salada da memleket tarapynan 181 mln. teńge sýbsıdııa bólingen. Aldaǵy ýaqytta aımaqtaǵy jylyjaılar men uńǵymalardyń sanyn arttyryp, jappaı tamshylap sýarý tehnologııasyna ótý kerektigi aıtyldy. Jıyn sońynda oblys ákimi bul kórsetkishtermen toqmeıilsýge bolmaıtynyn, egin jáne aýylsharýashylyq salasynda ónim óndiretin kásiporyndarǵa óndiris kólemin kóbeıtýdi tapsyrdy. Sonymen qatar, memlekettiń jeńildikterin paıdalana otyryp, jańa kásiporyndar ashý kerektigin atap ótti.
