Mańǵystaýda qyz-kelinshekter qarýdan oq atyp jarysty
MAŃǴYSTAÝ OBLYSY. QazAqparat - Aqtaýda Halyqaralyq áıelder merekesi qarsańynda erekshe jarys ótti. Mańǵystaý oblysynyń ishki ister organdarynda qyzmet etetin qyz-kelinshekter arasynda «Mergen qyzdar» atty saıys uıymdastyryldy, dep habarlaıdy QazAqparat tilshisi.
Básekege barlyǵy 26 burymdy polıtseı qatysty. Olar «Makarov» tapanshasynan oq atyp, sheberlikterin synǵa saldy.
Mańǵystaý oblystyq ІІD arnaıy daıarlyq basqarmasynyń bastyǵy, polıtsııa polkovnıgi Ermahan Aqqozıevtiń aıtýynsha, jarystar eki dıstsıplına boıynsha ótti - statıkalyq jáne taktıkalyq. Statıkalyq kezeńde mergender nysanaǵa dóp tıgizýi tıis bolsa, taktıkada - jyldamdyqqa mán berildi.
Uıymdastyrýshylardyń aıtýynsha, atý daıarlyǵy sabaǵynda kórsetilgen jattyǵýlardy áıel qyzmetkerler tez meńgerip alady eken. Óıtkeni olardyń saýsaqtary basý shúrippesine óte ıkemdi. Sondaı mergendigimen kózge túsken qatysýshynyń biri - ІІD Shtab basqarmasynyń bólimshe bastyǵy, polıtsııa maıory Aqmaral Kókenova. Quqyq qorǵaý organynda 14 jyl jumys istegen ol, mundaı saıysqa birinshi ret qatysqan.
«Bizder úshin, qyzdar úshin bul keremet saıys bolyp otyr. Іshki ister organynda qyzmet atqaratyn bolǵandyqtan bizder qandaı táýekelge de daıyn bolýymyz kerek. Qolymyzǵa qarýdy birinshi ret ustap turǵanymyz joq. Biz úshin úırenshikti jaǵdaı. Mergen qyz atanýǵa árqaısysymyz tyrysýdamyz», - deıdi Aqmaral Kókenova.
Saıys qorytyndysynda ІІD Shtab ınspektory Natalıa Evstegneeva, ІІD Jyldam qımyldaıtyn arnaıy jasaqtyń ınspektor-psıhology Áıgerim Ibatýlaeva, Jańaózen qalalyq ІІB ıÝvınaldy polıtsııa tobynyń ınspektory Iskra Asalova, ІІD Jedel krımınalıstıka basqarmasynyń ınspektory Baljan Kýbegenova jeńiske jetip, kýboktarmen marapattaldy.
