Mańǵystaýda KVI juqtyrǵanyna qaramastan qoǵamdyq orynda qydyryp júrgenderdiń tizimi jarııalandy

AQTAÝ. QazAqparat - Mańǵystaýda «qyzyl» statýsy bar tártip buzýshylardyń esimderi belgili boldy, dep habarlaıdy QazAqparat tilshisi.

COVID-19 indetiniń taralýyn boldyrmaý jónindegi vedomstvoaralyq komıssııanyń otyrysynda karantındi buzýshylarǵa qarsy sharalardy kúsheıtip, olardyń esimin qazaqstandyq BAQ-ta jarııalaý týraly sheshim qabyldanǵan edi.

Mańǵystaýda oblysynyń 7 turǵynyna qatysty oqshaýlaý tártibin buzǵany úshin QR ÁQBtK 425-babynyń 1-bóligi boıynsha hattama toltyryldy.

Aıyppul kólemi - 30 aılyq eseptik kórsetkish nemese 87 510 teńge.

PTR testiniń oń nátıjesi bar adamdar qoǵamdyq oryndarǵa baryp, ASHYQ boıynsha jumys isteıtin nysandarda qyzmetterdi qoldanýǵa tyrysqan.

Osyǵan baılanysty sanıtarııalyq-epıdemıologııalyq baqylaý departamenti úı karantıninde júrgen adamdardy ózin-ózi oqshaýlaý sharttaryn qatań saqtaýǵa shaqyrady.

«Tártipke baǵyný - árqaısymyzdyń azamattyq paryzymyz. Biz ózimiz úshin ǵana emes, sonymen qatar balalarymyzdyń, otandastarymyzdyń, búkil qoǵamnyń densaýlyǵy úshin jaýaptymyz», - dep habarlaıdy oblystyq SEBD baspasóz qyzmeti.

Sondaı-aq, Ashyq jobasyna qatysatyn kásipkerler barlyq shartty saqtaýy kerek. Óıtkeni qazir turǵyndardyń densaýlyǵy basty orynda.

14 kúndik úı karantınin buzǵan «qyzyl statýsy bar» Mańǵystaý oblysy turǵyndarynyń tizimi, olarǵa qatysty aıyppul túrindegi ákimshilik shara qoldanyldy:

1. Shapenova A. D (Aqtaý q.)

2. Saǵyndyqqyzy A (Aqtaý q.)

3. Imankýlova Sh.J (Aqtaý q.)

4. Maharova A (Aqtaý q.)

5. Nýrseıtova T.K (Aqtaý q.)

6. Izjanova E.T. (Aqtaý q.)

7. Іzturǵanova M.K (Mańǵystaý aýdany)