Mańǵystaýda qutqarýshylar naýryzdan beri ushty-kúıli joǵalǵan qyzdy tikushaqpen izdedi
Oblystyq tótenshe jaǵdaılar departamentiniń málimetinshe, 15 sáýir kúni departamenttiń jedel toby «Qazavıaqutqarýdyń» MI-8 tikushaǵymen izdeý jumysyna attanǵan.
Top quramynda TJD bastyǵynyń orynbasary, podpolkovnık B. K. Ábdiqadyrov, qutqarýshylar men dáriger boldy.
Olar 29 naýryz saǵat 11.00-de Beıneý aýdanyndaǵy úıinen shyǵyp ketip, sodan beri oralmaǵan 1996 jyly týǵan azamatshany izdeýge jumyldy.
Saǵat 11.40-ta Beıneý aýylynda jedel topqa taǵy 5 adam qosyldy. Onyń ishinde Beıneý ákimdiginiń mamandary men joǵalǵan qyzdyń týysy bar edi.
Tikushaq Beıneý aýylynyń soltústik jáne soltústik-shyǵys bóliginde 50 shaqyrym radıýsta tómen bıiktikte ushty.
Oıpattarǵa, shatqaldar men jartastarǵa erekshe nazar aýdaryldy.
Degenmen izdeý jumysy nátıje bergen joq.