Mańǵystaýda qus fermasy salynady
AQTAÝ. QazAqparat - Munaıly aýdany Batyr aýyldyq okrýginde 15 gektar jerge qus fabrıkasyn salý josparlanyp otyr. Quny 5,100 mlrd teńge turatyn ferma jylyna 143 mln dana jumyrtqa óndirýge qaýqarly. «Mańǵystaý Qus» JShS basshysy Aıdar Alpysov osylaı dep málimdedi, dep habarlaıdy QazAqparat.
Qazirgi tańda mańǵystaýlyqtar jylyna 93 myń jumyrtqa tutynyp otyr. Qus fabrıkasy quramynda árqaısysy 50 myń bas balapannan 2 korpýs jáne árqaısysy 70 myń bas iri taýyqtar ósiriletin 8 korpýs salynady. Bul oblysty jumyrtqamen tolyq qamtamasyz etedi.
Aıdar Alpysovtyń aıtýynsha, qus fabrıkasyn salýda jer alý máselesi sheshilgen. Qus jemi úshin shıkizat temir jol arqyly tasymaldanady. Arpa-bıdaı Soltústikten ákelinse, júgeri men shemishke Ońtústik óńirden keledi.
«Eger qus fabrıkasy iske qosylsa, 70 myń taýyq táýligine 60 000 dana jumyrtqa bere alady. Іske qosylǵan kezde jańa 50 jumys orny ashylady.
Jalpy, oblysta 2017-2019 jyldary aýylsharýashylyq salasyn damytýǵa arnalǵan 15 ınvestıtsııalyq joba josparlanǵan. Al, bıyl quny 8,8 mlrd teńge turatyn 6 joba iske qosylady. Olardyń qatarynda jylyjaı jáne kókónis termınaly syndy iri jobalar bar. Bul týraly oblys sharýalarynyń qatysýymen ótken jıynda basqarma basshysy Serik Qaldyǵulov aıtty.
¤«Máselen bıyldan bastap mal azyǵynyń 50 paıyzy sýbsıdııalanady. Sondaı-aq, oblys turǵyndaryn qoljetimdi kókónistermen qamtamasyz etip, 60 qudyq qazý josparlanǵan. Qudyq qazýǵa jumsalatyn shyǵynnyń 80%-y sýbsıdııalanady. Mal basyn arttyrýda jem- shóp máselesi de basty orynda. Ótken jyly 51,2 myń tonna shóp jınalǵan. Bıyl 75 mln-ǵa jetkizý kózdelip otyr. 2018 jyly atalǵan baǵytqa 32 400,0 myń teńge qaralyp tur»,-deıdi MO aýyl sharýashylyq basqarmasynyń basshysy ¤Serik Qaldyǵul.
Sondaı-aq, osy jyly 1100 gektar jerge egin egilmek. Onyń 840 gektaryna tamshylatyp sýarý júıesi qoldanylady. Taǵy 5 jylyjaıdy iske qosý josparlanýda.
