Mańǵystaýda qurylysy júrip jatqan úıde jarylys boldy
Zardap shekkenderdiń biri, 20 jastaǵy jigit aýrýhanaǵa tústi, onyń jaǵdaıy aýyr, dep habarlady Mańǵystaý oblystyq densaýlyq saqtaý basqarmasynan.
Oqıǵa 6 qazanda tań ata saǵat 09-00-der shamasynda Beıneý aýdanynyń Beıneý aýylynda bolǵan. Onda jalpy aýmaǵy 300 sharshy metr bolatyn qurylys aýmaǵynda gaz jarylyp, salynyp jatqan nysan buzylǵan.
Zardap shekkenderdiń bireýin, 20 jastaǵy jigitti Beıneý aýdandyq aýrýhanasyna jedel járdem qyzmeti jetkizgen. Oǵan alǵashqy medıtsınalyq kómek kórsetilip, qazirgi tańda ol jansaqtaý bóliminde jatyr.
Zardap shekken ekinshi azamat, 44 jastaǵy er adam jabyq bas-mı jaraqatymen jáne ózge de dene jaraqattarymen aýrýhanaǵa jetkizildi. Sondaı-aq onyń mıy shaıqalǵandyǵy anyqtaldy.
Bolǵan jaıdyń mán-jaıy anyqtalýda.