Mańǵystaýda qurylys ornynda júk kóligi jumysshyny basyp ketti
ASTANA. QazAqparat - Mańǵystaý oblysy Qaraqııa aýdany Quryq aýdanynda ornalasqan «Ersaı» JShS-niń qurylys bazasynda 1 jumysshy qaza tapty. Ony sol jerdegi júk kóliginiń júrgizýshisi baıqamaı basyp ketken, - dep habarlaıdy QazAqparat tilshisi.
MO ІІD baspasóz qyzmetiniń málimetinshe, oqys oqıǵa 31 mamyr kúni tańerteń saǵat 09:30 shamasynda bolǵan. «DSL Caspian» seriktestiginiń jumysshysy oqıǵa ornynda qaıtys bolǵan.
«Qazir atalǵan fakti boıynsha QR Qylmystyq kodeksiniń 345-baby 3-bóligi (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha is qozǵalyp, sotqa deıingi tergeýdiń biryńǵaı tizilimine engizilgen.
Qazir sot-medıtsınalyq saraptama taǵaıyndalyp, sotqa deıingi tergeý júrgizilýde.
