Mańǵystaýda Qurban aıttyń birinshi kúni qoǵamdyq kólikter tegin qatynaıdy
AQTAÝ. QazAqparat – Mańǵystaý oblysynda qurban aıt merekesiniń alǵashqy kúni, ıaǵnı 9 shildede qoǵamdyq kólikter tegin qatynaıdy. Bul týraly oblystyq jolaýshylar kóligi jáne avtomobıl joldary basqarmasy málim etti, dep habarlaıdy QazAqparat tilshisi.
Atap aıtqanda, Aqtaý qalasynda №2, 3, 4, 4M, 5, 7, 8 baǵyttarynda júretin avtobýstarda jolaqy almaıdy.
«Sonymen qatar, oblys ortalyǵy men Munaıly aýdany arasynda qatynaıtyn №103, 104, 105, 106, 107 avtobýstary jáne «Aqtaý-Qyzyltóbe-2-Aqtaý», «Aqtaý-Batyr-Aqtaý» baǵyttaryndaǵy qoǵamdyq kólikter jolaýshylardy tegin tasymaldaıdy. Túpqaraǵan aýdanymen aradaǵy «Aqtaý-Aqshuqyr-Aqtaý», «Aqtaý-Saıyn Shapaǵatov-Aqtaý» baǵytyndaǵy qoǵamdyq kólikter de osy jeńildik usyný aıasyna kiredi», - dep málim etti basqarmadan.
Aıta ketsek, Aqtaý qalasyndaǵy qoǵamdyq kólikter Oraza aıt kúni de jolaýshylardy tegin tasymaldaǵan edi.
