Mańǵystaýda quny 266 mlrd teńgeni quraıtyn 81 joba júzege asyrylýda
ASTANA. QazAqparat - Mańǵystaý oblysynyń ákimi Eraly Toǵjanov óńirlik Ortalyq kommýnıkatsııalar qyzmetinde aımaqtyń áleýmettik-ekonomıkalyq damýynyń negizgi nátıjeleri týraly, Elbasynyń joldaýyn iske asyrý jáne bes áleýmettik bastama boıynsha jumystardyń nátıjelerine jaıynda baıandady, dep habarlaıdy oblystyq ákimdiktiń baspasóz qyzmeti.
Ákim keltirgen málimetterge saı, ishki óńirlik ónim ótken jylmen salystyrǵanda 98,6%-ten 103,4%-ke deıin ósti, ónerkásip óniminiń kólemi - 101,1%-dy qurady. Bul respýblıkada óndirilgen ónimniń 11%-yn quraıdy. Óńirde ónerkásip salasynyń turaqty ósý deńgeıi saqtalyp, ındýstrıalızatsııa kartasy iske qosylǵannan beri atalǵan sektordyń jalpy óndiristegi úlesi 4%-dan 8% -ǵa deıin ósti. Esepti kezeńde óndirý kólemi 111,4%-ti (195 mlrd.teńge) qurady.
«Óńdeý ónerkásibiniń kólemin ulǵaıtýdyń birden-bir joly - jergilikti qamtýdy damytý. Negizgi rezerv - óńirdegi munaı kompanııalarynyń satyp alýlary. Mysaly, 2017 jyly oblysta munaı kompanııalary 1,7 trln. teńgege júrgizilgen satyp alýlardyń 30%-tin nemese 500 mlrd. teńgeniń taýarlaryn syrttan satyp aldy. Osy baǵytta birinshi «pılot» - «Ózenmunaıgaz» kompanııasy úshin reseı óndirýshilerimen birlesken munaı nasostaryn shyǵarý jobasy. Tseh «Aqtaý teńiz porty» arnaıy ekonomıkalyq aımaǵynda salynady, qurylysqa tartylatyn ınvestıtsııa kólemi 500 mln.teńge»,- dedi oblys ákimi Eraly Toǵjanov.
Jalpy, negizgi kapıtalǵa salynǵan ınvestıtsııa kólemi 2018 jyly 81,7% -dan 107,2% -ǵa (417 mlrd. teńgege) deıin ósti. Jalpy oblystyń ınvestıtsııa portfelinde jalpy quny 266 mlrd. teńge bolatyn 81 joba júzege asyrylýda.
Turǵyn úı qurylysy boıynsha jyldyq jospar artyǵymen oryndaldy (jospar - 916 myń sharshy metr). Búginde 945 myń sharshy metr turǵyn úı paıdalanýǵa berildi, ósim - 139,7%. Jyldyń sońyna deıin 1 mln. sharshy metr turǵyn úı tapsyrylady.
«Oblysta «7-20-25» baǵdarlamasynyń sheńberinde oblys ortalyǵynda 22 jeke qurylys kompanııalary 2300 páterlik 15 turǵyn úı kesheniniń qurylystaryn júrgizýde. Ekinshi deńgeıli bankter 371 ótinimdi qarap, 1,9 mlrd. teńgege 235 nesıeni maquldady. Jyl sońyna deıin «7-20-25» baǵdarlamasy boıynsha 500 páter tapsyrylady», - dedi óńir basshysy Eraly Toǵjanov.
