Mańǵystaýda qýaty 42 MVt bolatyn jel elektr stantsııasy salynady
AQTAÝ. QazAqparat - Mańǵystaýda Fort-Shevchenko mańynda jel elektr stantsııasyn salý boıynsha yntymaqtastyq týraly memorandýmǵa qol qoıyldy. Qujatqa Mańǵystaý oblysynyń ákimi Eraly Toǵjanov, «South Wind Power» JShS bas dırektory S.Partsıkıan jáne «Horgos Jiuhe SilkBridge New Energy Co. Ltd kompanııasynyń ókili Huang Cheng qol qoıdy, dep habarlaıdy QazAqparat oblys ákiminiń baspasóz qyzmetine silteme jasap.
Investorlar qýaty 2,5 kVt quraıtyn 17 jel generatoryn ornatyp, qurylys kezeńinde 70 adam jumyspen qamtylatynyn aıtty. Investıtsııa kólemi 60 mln dollardy quraıdy.
«Jel qondyrǵysynyń qurylysy «jasyl ekonomıkaǵa» kóshý, qorshaǵan ortaǵa zııan keltirmeıtin ınnovatsııalyq tehnologııalardy júzege asyrý aıasynda júrgiziledi. Bul joba elektr energııasynyń qajettilikterin qanaǵattandyrýǵa kómektesedi. Túpqaraǵan aýdanynda 375 gektar aýmaqta 42 MVt jel qondyrǵysy ornatylady. Atalmysh jobanyń qurylysy aǵymdaǵy jyldyń tamyz aıynda bastalady», - dedi oblys ákimi Eraly Toǵjanov.
