Mańǵystaýda koronavırýs juqtyrǵan 25 naýqastyń jaǵdaıy aýyr
Bul týraly Mańǵystaý oblysy densaýlyq saqtaý basqarmasynyń basshysy Jamal Jamanbaeva aıtyp berdi.
Ǵalymdardyń matematıkalyq modeli boıynsha ústimizdegi jyldyń tamyz aıynyń sońyna deıin, Covid-19 indetimen naýqastanǵandar sany 10 ese ósýi múmkin. Bul jaǵdaıda kóz jumatyndar sany da az bolmaıyn dep tur.
Sol sebepti saqtyq sharalaryna áli de úlken jaýapkershilikpen qarap, karantın rejımin saqtaý qajet. Ásirese halyq kóp shoǵyrlanatyn oryndarǵa barmaý, betperde taǵyp, qolǵap kıip júrý, qoldy únemi jýý sııaqty erejelerdi esten shyǵarmaǵan jón. Al ımmýnıteti myqty adamdardyń aǵzasy koronavırýstyq ınfektsııany óz betinshe jeńe alady. Ol úshin durys tamaqtaný kerek.
Buǵan deıin ázirlengen is-qımyl josparyna sáıkes, aýrýdyń kúrt ósýi jaǵdaıynda naýqastardy jatqyzatyn ınfektsııalyq jáne provızorlyq statsıonarlardy daıyndaý jan-jaqty pysyqtalǵan bolatyn. Bul rette oblystyq týberkýlezge qarsy dıspanser men psıhıkalyq densaýlyq ortalyǵynyń ǵımaraty birinshi kezekte turdy. Jospar boıynsha kelesi - Mańǵystaý oblystyq aýrýhanasynyń «V» blogy. Odan ári ósken jaǵdaıda - oblystyq aýrýhanany provızorǵa tolyq kóshirý máselesi týyndaýy ǵajap emes. Úkimettiń tapsyrmasy boıynsha adam ómirin qutqarý úshin barlyq rezervter men resýrstardy paıdalaný qajet. Ókinishke qaraı, 2 adam kóz jumdy. Bul - tek statsıonarlardaǵy jaǵdaı ǵana.
Qazirgi ýaqytta Aqtaý jáne Jańaózen qalalarynda, sondaı-aq Beıneý aýdanynda tósek oryndarynyń jetispeýi baıqalýda. Sol sebepti qosymsha provızorlyq statsıonardy ashý arqyly jospardyń kelesi qadamyna ótý týraly sheshim qabyldandy. Mańǵystaý oblystyq aýrýhanasynyń bazasynda «V» blogynda koronavırýsqa kúdikti adamdar úshin qosymsha tósekter daıyndaldy. «V» blogy aýrýhananyń búkil ǵımaratynyń úshten bir bóligin quraıdy, ǵımarattyń negizgi bóliginen tolyǵymen qorshalǵan. Bul jerge tek koronavırýsqa kúdigi bar adamdar ǵana jatqyzylady.
Aýrýdyń kúrt ósýine baılanysty oblystyń barlyq statsıonarlaryna josparly túsýler shektelgen bolatyn. Osylaısha, kelip túsken naýqastar sanynyń azaıǵandyǵy baıqalyp otyr. Aýrýhanalar tek shuǵyl qyzmette jumys isteıdi. Emin úıde jalǵastyra alatyn patsıentterdiń basym bóligi ambýlatorlyq emdeýge shyǵaryldy. Keı bólimshelerdi biriktirýge, al keı bólikterin ishinara jabýǵa týra keldi. Dárigerler jetispeıtini taǵy bar. Aqtóbe oblysynan 20 dáriger men medbıkeler keledi dep kútilýde.
Óńirde koronavırýstyń bar-joǵyn anyqtaıtyn 4 zerthana jumys isteıdi.
Aıta ketý kerek, Covid-19 barlyq jaǵdaıda naqty anyqtala bermeıdi. Bul suraqqa naqty jaýap berý óte qıyn. Kóp adamdar pnevmonııa baryn alǵa tartyp medıtsınalyq kómekke júginip jatady, keıde koronavırýstyń klınıkalyq sımptomdary boıynsha sáıkes kelip jatady, alaıda vırýs árdaıym adamnyń boıynan tabyla bermeıdi. Mundaı jaǵdaılar óte kóp kezdesedi.
Óńirdegi ınfektsııalyq statsıonarlarda koronavırýstan emdelip shyqqandar sany - 344 adam, al aýyrǵandar sany - 449 bolatyn. Provızorlyq statsıonarlarda qazir 400-den astam naýqas emdelýde, onyń 25-niń jaǵdaıy aýyr jáne olar tynys alý apparatyna qosylǵan.
Barlyq emhanalarda «Call-center» jumys isteıdi, sol sebepti jedel járdem qyzmetiniń jumysy aýyrlaı túskendigin eskerip, aýrýdyń alǵashqy belgileri paıda bolsa birden «103» qyzmetine habarlamaı, ýchaskelik dárigermen baılanysqan jón.
Al, qajet bolǵan jaǵdaıda jedel járdem naýqasty statsıonarǵa nemese aýrýhananyń ınfektsııalyq bólimshesine jetkizedi.