Mańǵystaýda koronavırýs juqtyrǵan 160 medqyzmetkerge 320 mln teńge ótemaqy tólendi

AQTAÝ. QazAqparat - Mańǵystaý oblysynda kornovırýs ınfektsııasyna shaldyqqan 160 medıtsına qyzmetkerine 320 mln teńge ótemaqy tólendi. Qaýipti indetten kóz jumǵan 8 medıtsına qyzmetkeriniń otbasyna 80 mln teńge, 1 qyzmetkerge jergilikti bıýdjetten 10 mln teńge tólendi. Bul týraly Mańǵystaý oblystyń densaýlyq saqtaý basqarmasynyń basshysy Jamal Jamanbaeva málim etti, dep habarlaıdy QazAqparat tilshisi.

Basqarma basshysy koronavırýspen kúres kezinde jumys istegen shuǵyl medıtsınalyq járdem stantsııasy qyzmetkerlerine ústemaqy tóleý máselesine de toqtaldy.

«Máselen, qazan aıyna deıin ústemaqy tóleýde qyzmetkerdiń naqty jumys istegen ýaqyty kúndermen eseptelse, 15 qazannan bastap tártip ózgeredi. Endi jumys istegen ýaqyttary saǵatpen esepteletin boldy. Bul jaǵdaıda burynǵy nusqamamen sońǵy tólenetin ústemaqynyń mólsheri edáýir azaıatyny anyqtaldy. Jedel-járdem qyzmetiniń kishi býyn qyzmetkerlerine ústemaqy tóleý kózdelmegen. Dese de pandemııa kezinde jumys kóleminiń ulǵaıýyna baılanysty, kishi býyn qyzmetkerleriniń jalaqy kólemin ulǵaıtý máselesi qarastyrylady»,- dedi Jamal Jamanbaeva