Mańǵystaýda koronavırýs taraǵan aýyldyń ákimi qyzmetinen bosatyldy
NUR-SULTAN. QazAqparat - Mańǵystaý oblysynda koronavırýs juqtyrǵan turǵyny kóp aýyldyń ákimi qyzmetinen bosatyldy, dep habarlaıdy «Habar 24».
Qaraqııa aýdanyna qarasty Senek aýylynda on kúnniń ishinde 23 jaǵdaı anyqtalyp otyr. Іndet aldymen kóp adamdy jıyp, as bergen úıden shyqqan. Keıinnen sol jıynda bolǵan biraz adamǵa juqqany belgili boldy.
Aıadaı aýylda karantın erejesin saqtaýdy qamtamasyz etpegeni úshin oblys basshysynyń sheshimimen aýyl ákimi jumystan shettetildi. Al aýdan ákimine sógis jarııalandy.
Qazir aýylǵa kire beris tusqa blokpostar qoıylyp, kúzet kúsheıtildi.
Vırýs kóp taraǵan aýdandar arasynda Beıneý men Qaraqııa kósh bastap tur. Beıneý aýdanynda 37 turǵynnan KVI anyqtaldy. Arasynda qoǵamdyq jumys ókilderi men dárigerler de bar.
Qazir bul qos aýdanda karantın rejımi kúsheıtilgen. Otbasylyq jıyn jasaýǵa qatań tyıym salynǵan.
Jalpy, 3 naýryzdan bastap aımaqta 11 186 adam koronavırýsqa tekserilip, indet 129 adamnan anyqtaldy.
Aıta keteıik, Mańǵystaý oblysynda karantın mamyrdyń 25-ne deıin uzartyldy.
