Mańǵystaýda koronavırýs ınfektsııasyn juqtyrǵandar sany artty

MAŃǴYSTAÝ. QazAqparat - Mańǵystaýda jańa jyldan soń koronavırýs ınfektsııasyna shaldyqqandar sany artqan, dep habarlaıdy QazAqparat tilshisi.

Oblystyń sanıtarııalyq-epıdemıologııalyq baqylaý departamentiniń basshysy Ǵazız Nadýevtyń málimetinshe, jańa jyldan beri qaýipti vırýs juqtyrǵan 177 adam anyqtalǵan.

«Mańǵystaý oblysynda 1 qańtardan bastap osy ýaqytqa deıin 18 kún ishinde 177 jaǵdaı tirkeldi. Munyń barlyǵy jańa jylda jasyryn korporotıvtik sharalar, toı-sadaqa ótkizýdiń sebebinen týyndaǵan. Qazan, qarasha aıynda ınfektsııa juqtyrǵan 2-3 adam tirkelse, sońǵy 3 kúnde aýrýdyń tirkelýi 17,18-ge deıin kóterilip jatyr. Oblys boıynsha eń úlken kórsetkish Aqtaý qalasy, ekinshi Túpqaraǵan aýdany, úshinshi Munaıly aýdany bolyp tur»,-dedi Ǵazız Nadýev.