Mańǵystaýda kólikten mıllıon teńge urlaǵandar izdestirilip jatyr
AQTAÝ. QazAqparat - Urlyq jasap, oqıǵa ornynan qashyp ketken 3 jigit izdestirilip jatyr. Olardyń bul áreketi beınetaspaǵa túsip qalǵan, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Munaıly aýdandyq ishki ister basqarmasynyń málimetinshe, iri aqsha urlyǵy Basqudyq aýylyndaǵy avtobazarda bolǵan.
Beınetaspada aq kepka men kók fýtbolka kıgen er adamnyń «Toyota Camry» kóligine jaqyndap kelip, qaltasynan shyǵarǵan quralymen esikti ashqany túsirilgen. Janynan ótip bara jatqan taǵy bireýi sybaılasyn kútip turyp, kólikke otyrady. Birer mınýt ótken soń urylar túk bolmaǵandaı 1,2 mln teńgeni alyp, ketip qalady.
Avturaqtan shyǵyp bara jatqan olardy taǵy bir jigit kútip turady. Úsheýi avtobazardan birge shyǵyp ketedi.
Aýdandyq ІІB krımınaldy polıtsııa qyzmetkerleriniń aıtýynsha, búgingi tańda QR Qylmystyq kodeksiniń 188-baby boıynsha is qozǵalǵan. Urylar ulty azııalyq, 30-35 jastaǵy adamdar.
Sýrettegi adamdardy tanıtyndar +7 (7292) 46-50-02, 47-55-10, +7 (778) 812-52-02, +7 (701) 888-68-85 nómirine habarlasýyna bolady.
