Mańǵystaýda kólik júrgizýshileriniń qaryzy 51 mln teńgeden asty
AQTAÝ. QazAqparat - Mańǵystaýda kólik júrgizýshileriniń boryshy 51 mıllıon teńgeden asty, dep habarlaıdy QazAqparat tilshisi.
Bul - jolda júrý erejesin saqtamaǵan kólik júrgizýshiler men qoǵamdyq tártipti buzǵan turǵyndarǵa jyl basynan beri salynǵan aıyppul kólemi.
Bereshegin óz betimen qaıtarýǵa asyqpaıtyn azamattarmen kúresý úshin óńirde «Boryshker» jedel aldyn-alý sharasy ótip jatyr. Jol saqshylary aıyppuldan jaltarǵan kólik júrgizýshilerin arnaıy tehnıkaniń kómegimen anyqtaýda. Úı-úıdi aralap, SMS habarlama jiberedi. Nátıjesinde 2 kúnde 8 mln teńge óndirildi. Aıyppuldy tóleý merzimi áldeqashan ótken 3 kólik aıyp turaǵyna qoıyldy. Mańǵystaýlyq boryshkerlerdiń byltyrǵy qaryzy 150 mln teńgege jetken. Jedel aldyn-alý sharasynyń aıasynda sonyń 15 mıllıony óndirildi.
«Atalǵan is-shara Mańǵystaý aýmaǵyndaǵy kólik ıeleriniń tólenbeı qalǵan aıyppulyn óndirý maqsatynda uıymdastyryldy. Kóp adamdar aıyppuly bar ekenin bilmeı qalady. Mundaı sharalardy bir toqsanda eki ret ótkizip turamyz. Oń nátıjesin beredi»,-deıdi Mańǵystaý oblystyq polıtsııa departamentiniń ákimshilik praktıka bóliminiń bastyǵy Súıin Qurmantaev.
