Mańǵystaýda kólik eki túıege soǵylyp, 51 jastaǵy jolaýshy áıel kóz jumdy

AQTAÝ. QazAqparat - Jetibaı-Aqtaý tasjolynda kólik túıege soǵylyp, 51 jastaǵy jolaýshy áıel qaıtys boldy. Taǵy eki adam jaraqat aldy, dep habarlaıdy QazAqparat tilshisi.

Oqıǵa 2022 jylǵy 10 jeltoqsanda saǵat 19:00 shamasynda bolǵan.

«Chery Tiggo 8 Luxury» avtokóliginiń júrgizýshisi Aqtaý qalasyna qaraı bara jatqan jolda eki túıeni soqqan. Apat saldarynan oqıǵa ornynda 51 jastaǵy áıel mert boldy. Sonymen qatar zardap shekken eki adam jaqyn mańdaǵy aýrýhanaǵa jetkizildi, onda olarǵa medıtsınalyq kómek kórsetildi» dep málim etti Mańǵystaý oblystyq polıtsııa departamentiniń baspasóz qyzmetinen.

Bul fakt QR Qylmystyq kodeksiniń 345-baby 3-bóligi boıynsha tirkeldi.

Qajetti saraptamalar taǵaıyndaldy. Tergeý júrip jatyr.